Il-Bandisti tal-Post

Il-Banda San Nikola, maż-żminijiet dejjem mxiet fuq il-passi oriġinali tal-Banda Nicolina, u iġifieri l-għan illi ixxerred il-mużika u it-tgħalim tal-mużika fost ulied is-Siġġiwin. Mal-mixja taż-żmien il-banda kellha diversi bandisti dedikati kemm għall-istess banda u kif ukoll għal-raħal twelidhom. 

​

Huma ħafna it-tfal Siġġiwin li għaddew minn taħt l-Għalliema ta' din il-Banda, u b' riżultat ta' dan, illum il-ġurnata il-Banda għandha numru mdaqqas ta' Bandisti tal-Post. Bandisti iġifieri li jgħatu s-servizz tagħhom b' mod volontarju lill-Każin Banda San Nikola. 

​

Is-Soċjeta' illum qegħda tkompli tinvesti sabiex il-bandisti, li huma awtomatikament membri u parti minn din is-Soċjeta', isibu is-sostenn tagħhom fi ħdan il-Banda. Li kieku ma jkunux dawn il-Volontiera, kieku il-programmi u l-marċi li l-banda San Nikola torganizza, ma jkunux jistgħu isiru. 

​

Minħabba f' dan, il-umitat jgħati importanza kbira lill din il-ħidma. Huwa għalhekk li rappreżentant minn dawn il-bandisti huwa wkoll membru fil-Kumitat ċentrali sabiex ikun jista' jwassal leħen il-bandisti lill-amministrazzjoni, filwaqt ukoll illi jgħin fl-organizzazzjoni tal-banda, b' koordinazzjoni mas-Surmast.